नों फराय नैबे आंनि दोंसे खन्थाय

• लिरगिरि:-  लतास बर'

बेवहाय मोनदांगोन नों

आंनि, सुखु आरो दुखुनि

जिउ जुजिनि दोंसे सलन्थाय।
गिरियाथ' बुंखादों
दुखुआ रावनिबो असेथार नंखाया
जिउआव रावबो गासैखौबो मोनफुंजोबखाया।
खोमानांनानैबो जों गावखौ बुरखायदों,
दुखुथिया बिमानि जोमै दाखा नखोराङावबो
पुरनिमा मिनिस्लुहोदों।
जों सोलोंबाय दिनै
नोंबो इसे आंबो इसे
गैयैआवबो दं
आरो दंआवबो गैया जानो।
गोजोननो सोलोंबाय
जों दुखुथियाखौ अनसायनायाव,
गोसोआव ला
मुलुगखौ दुसिनायनि जोंहा मोनथाय गैया
मुलुगनो होलांनांगौ
जोंहा नाथाय जोबनो गैयै ऋन दं।
बिखायनो बुङो आं गोजोनै था
गिरि बुंनायबादि

गासिबो थासारियावनो गोरोबनो नाजा |

Publish by Bineswar Baro